Lo desaroyá e toolkit den aña eskolar 2024-2025 i e lo kontené e siguiente aktividatnan. Si bo tin pregunta, tuma kontakto ku nos.

Sinku aktividat pa skol i despues di skol

Nos ta desaroyá 5 aktividat pa krea konsientisashon pa ku e kantidat di sushi ku tin aworaki ainda na Kòrsou, e importansia di kuida naturalesa i pa trese un paro na e kambio di klima. Ku esaki nos ta krea un perspektiva di akshon pa e hóbennan pa nan mes kuminsá.

Traha poster di akshon

Debate

Traha bo propio man alargá pa piki sushi

Kahoot kues

Re-uso di plèstik

Tur aktividat den un dokumento



Un entrenamentu pa dosentenan

Nos ta desaroyá un entrenamentu dirihí na dosentenan i Trahadónan pedagógiko pa asina por usa e aktividatnan den i despues di oranan di skol, durante i despues di e proyekto. E entrenamentu aki por nifiká un profundisashon di enseñansa pa skolnan i dosentenan òf un impulso pa un enfoke riba skol amplio di enseñansa di klima.



Tres evento

Huntu ku artista Omar Sling i habitantenan di bario nos ta traha riba 3 evento pa yega na un obra di arte ku ta krea konsientisashon den bario pa habitantenan di Kòrsou.

Den verano di 2025 nos ta lansa nos wèpsait pa un implantashon duradero di e aktividatnan aki den komunidat i nos ta desvelá e obra di arte.