Kiko ta plèstik i abo
Ku Plèstik i abo, Tinkersjòp ke yuda paredusí e kantidat di sushi riba Kòrsou. Nos ta hasi esaki huntu ku e artista Omar Sling. Nos ta desaroyá 5 aktividat pa enseñansa di fundeshi, nos ta trein dosentenan i guiadónan di aktividatnan despues di skol i ta organisá workshòpnan den bario
Pa ken plèstik i abo ta
Hóbennan ta e futuro i ta importante pa hasi e hóbennan aki konsiente di loke nan por hasi pa por kontribuí i logra yega na e metanan di e akuerdo di klima di Paris. Pa logra esaki, mester tin un aktitut di emprendé i investigá.
Ken ta esnan responsabel pa Plèstik i abo
Tinkersjòp ta konta ku un ekspertisio grandi riba e área di edukashon despues di skol i método di lèsnan edukativo manera Tinkeren, Studio Kabritu tin hopi ekspertisio riba e área di online i ta hasi materialnan pa e sektor kultural disponibel i Omar Sling ta un artista hopi renombrá.
Huntu nos por redusí e kantidat di sushi.
Kiko ta e Lei di Plèstik
Sushi di plèstik ta un problema desafiante na Kòrsou, komo ku aktualmente ta importá mas tantu plèstik ku ta keda manehá di un forma sostenibel. Anualmente, un kantidat di mas o ménos 1200 tòn di sushi ta resultá den naturalesa. I mas desperdisio ta spula yega na kosta komo konsekuensia di koriente di laman. Esaki tin un efekto devastador riba bestianan manera turtuga, pero tambe riba e ambiente di komunidat lokal.
Despues di hopi aña di debate i diskushon, parlamento di Kòrsou a aprobá e "Lei di Plèstik(Plasticwet); un paso históriko den e lucha kontra sushedat di plèstik riba e isla.
E Lei di plèstik ta dirihí riba prohibishon di uso di bakinan di foam, bestèknan di plèstik i tasnan di plèstik ku eksepshon di tasnan ku ta disolvé di forma biológiko. A stipulá un periodo di traspaso di nuebe luna pa duna kompania i habitantenan e tempu pa por adaptá nan mes e regla nobo. Ku e lei di plèstik nobo aki ta aktualisá e konsientisashon i e perspektiva di aktuashon di e pueblo pa ku plèstik, durabilidat i kambio di klima.